الشروط والميثاق الأخلاقي

الصفحة دي بتتقبل مرة واحدة عند أول دخول، وبتفضل متاحة في أي وقت من الفوتر. لو حاجة فيها مش واضحة، كلّم الإدارة على واتساب قبل ما توافق.

2 · المحتوى ملك الأكاديمية

التسجيلات والمادة العلمية والبرومبتات كلها ملك الأكاديمية، ومتاحة لك للمذاكرة الشخصية بس. ممنوع تسجيل الشاشة، أو إعادة رفع أي جزء منها، أو مشاركتها برّه المنصة.

3 · شغلك ملكك

أي شغل بتعمله في المسار ملكك انت. الأكاديمية ما بتنشرش أي حاجة من شغلك إلا بموافقة ولي أمرك الموثّقة، والموافقة دي بندين منفصلين وتقدر تسحبها في أي وقت.

4 · الإفصاح عن الذكاء الاصطناعي

أي شغل فيه توليد بالذكاء الاصطناعي لازم يتقال عنه كده صراحة. وأي إعلان تجريبي لماركة حقيقية لازم يحمل لافتة واضحة: ده إعلان تجريبي، مش رسمي، ومعمول بالذكاء الاصطناعي.

5 · احترام حقوق الغير — الميثاق الأخلاقي

دي نفس الخمس قواعد اللي بتتقال في أول جلسة، وبتفضل سارية طول المسار.

• ممنوع تصوير أي حد من غير إذنه.
• ممنوع استخدام الذكاء الاصطناعي في تركيب صور أو فيديوهات لأشخاص حقيقيين — الـDeepfake خط أحمر.
• ممنوع السخرية أو التنمّر بأي محتوى.
• شغل غيرك مش شغلك — النقل من غير إذن سرقة.
• المهارة دي شغلانة: بنبني بيها، مش بنأذي بيها.

اللي يكسر القواعد دي بيطلع من المسار — مش عقاب، ده شرط المهنة.

6 · السلوك في الجلسات

التغذية الراجعة بين الطلبة بصيغة «نقطة ضياء ونقطة نمو»: حاجة نجحت، وحاجة تتظبط في المرة الجاية. أي تنمّر أو محتوى مسيء بيوقف الحساب.

7 · الخصوصية

• المنصة بتخزّن: اسمك، اسم المستخدم، رقم تواصل، تسليماتك، وتقدّمك في المسار.
• مفيش أي بيانات بنكية بتتخزّن — الدفع بيتم برّه المنصة بالكامل.
• إجابات استبيان أول يوم بيشوفها المدرب لوحده، وما بتظهرش لك ولا لولي أمرك ولا لأي طالب.
• ولي أمرك بيشوف تقدّمك وحالة اشتراكك والتقارير الدورية، وما بيشوفش تعليقات التقييم التفصيلية.
• شغلك ما بيتشافش من أي طالب تاني.

8 · الاسترداد

7 أيام استرداد كامل بلا شروط وبلا أسئلة، محسوبة من تاريخ أول دفعة. يُخصم منها مصاريف التحويل لو كانت موجودة فعلًا، وبتتكتب لك صريحة.